網紅的藏寶箱雖然日本秋天先會播，但係丫仁已經買咗VPN即時香港同步添。如果有睇開小弟個page度知道丫仁喺2018年嘅時候已經被日版攻陷，朝日電視台搞嘅大叔的愛夏祭都有去，甚至乎連老臨都曾經申請咗去做（可惜太遠）6集牧喊完要等成星期個種虐心，7集完咗幾多人有ロス（迷失）仍然歷歷在目。年頭話香港版會有時，丫仁確實個心離一離，新人喎！會誇得過田中圭浮誇演技？有大叔咁乙女心？點知…….丫仁錯咗～
第一次聽OP，確實好港味！雖然無《Revival》咁有力量，但聽吓聽下又冇咗嗰種違和感。由春田最鍾意食暖男牧煮理嘅炸雞定食變成三餸一湯白飯任裝，身處外國嘅我哋更加親切。原版劇情其實都幾交代得唔清楚，跳來跳去中間要觀眾FF填滿，香港版竟然完全補充晒一啲原版奇怪唔la更嘅位，重點情節相似度高達100%，令到日版嘅春牧呢對CP更易令一眾OL民（追劇迷稱呼）睇起上嚟有新鮮感。原本牧超ドS性格係港版變成溫柔大暖男～KK少了喜感多了性感，丫仁不行了！好想繼續追落去，星期六日要二擦～如果要有吐糟位就一定有嘅，但係算啦！放工開心笑一兩嘢就開心～
嚟緊秋天唔知日本播放，唔知日本會搞出第二波OL民大風波呢？？
ps：ViuTV高抬貴手，唔好搞《處男魔法師》住先！
Search